СҮҮД

юум. н., ород эрхэтэнэй маргаан, гэмтэ хэрэгые хинан үзэжэ шиидхэбэри гаргадаг улас түрын эмхи зургаан (суд): Мүн саашань Аюушын алуулһан тухай нёдондо болоһон сүүд Раднын һанаанда орожо, улаан булангай байшан соо шүүлтэ боложо байһан үе сүм нюдэндэнь харагдахадал гэнэ (Ц. Дон); сэрэгэй сүүд зэбсэгтэ хүсэнүүдтэ сүүдэй засаг захиргаа бэелүүлдэг федеральна эмхи (военный суд): Дээдэ хүтэлэгшэ засагһаа гадна, тэдээндэ армиин захиралтые буруу гэжэ гэмтэ ябадал хэһэнэйнь түлөө, сэрэгэй сүүдэй шиидхэмжээр, буудан алаха гэжэ шиидхэгдэбэ (Г. Цыдынжапов); нүхэдэй сүүд түүх. хууляар гэмтэ хэрэг бэшэ гэжэ тоологдодог буруу ябадалые хэһээхэ ёһо журам (товарищеский суд): Үнгэрэгшэ үдэшэнь нүхэдэй сүүд боложо, Балданай жэжэ-бужа хэрэгүүдые хаража үзөөд, донгодолготойгоор арбан түхэриг яла түлүүлхэ гэһэн байгаа (Ц.-Д. Хамаев); сүүдтэ үгэхэ гэмтэ ябадалай харюусалгада хабаадуулха (отдавать под суд): Таниие сүүдтэ үгөөд, тэрэ хүнгэхэнөөр олоһон зөөрииетнай гүрэндэ тушаалгаха байгаа (Ц. Шагжин); сүүдтэй болоод байха хэһэн гэмтэ хэрэгээ хинан үзүүлхэ (находиться под судом); сүүдтэ орогшо гэмнүүлэгшэ, хэрэгтэ орогшо (подсудимый); сүүд дээрэһээ шиидхэбэри гаргадаг улас түрын эмхи зургаанай танхимһаа (из зала суда).