ОЁХО

үйлэ ү. 1) бүд, арһан г.м. эдлэлые зүүгээр хадхажа, утаһаар бэхилэн ямар нэгэ юумэ бүтээхэ, гараар гү, али оёдолой машинаар хубсаһа бүтээхэ, урлаха (шить): Хоёр һүни һуужа оёһон хоёр хүдэһэн хүүртиг, хоёр паар бээлэй гэхэ мэтые мэшээгтэ хэжэ уяад, бүри үглѳѳгүүр Шаазгайтаһаа гараһан байгааб (М. Осодоев); хүбэрдин оёхо оёгдохо бүд гү, али арһа уулзуулан баряад, хажуу талаһаань нэбтэ хадхан оёхо (шить на живую нитку): Гэбэшье дүтэлжэ харахадашни, олонхинь ангажа сайшаһан фрагтай, нүхэ гарахадань хүбэрдин оёһон шляпануудтай (Д. Батожабай); хуняаһалжа (гү, али хунижа) оёхо эбхэлеэ хэжэ оёхо (присборивать, делать складки): Алексей Угрюмов улаабтар хүрин сюртугтай, элбэгээр хуняаһалжа оёһон сагаан батист самсынь хоёр хамсы бултайшанхай (Ч. Цыдендамбаев); тамһалдижа оёхо тамһаар хүбѳѳлхэ, тамһа, миндаһа барижа оёхо (обшивать полоской материи или тесьмой); нэбтэгэлдижэ оёхо зузаан юумэ сааша наашань нэбтэ хадхан оёхо (прошивать насквозь туда и сюда); дэгэл гадарлажа оёхо арһаар дэгэл оёходоо, ямар нэгэн бүд үнгэ таладань барилсажа оёхо, хушаха (крыть шубу материей); 2) утаһаар юумэ нэхэхэ (вязать): Хүбүүндээ дулаахан, ямаршье жабар хүйтэнэй дааруулхагүй зузаахан оймһо оёжо эльгээхэеэ бэлдэжэ һууһыень бэринь мэдэнэ (Ц.-Д. Хамаев); үлхэн оёхо нэхэхэ (вязать): Баярмаа үлхэн оёхо оёдолоо гаргаба, Петя Жаргал хоёр бишыхан шатараар наадажа эхилбэ (Б. Мунгонов); 3) элдэб хээ, зураг гаргажа, гоёожо хадхаса оёхо (вышивать): Эгээл уран эхын, Доржын эхын, хара торгон дээрэ сагаан утаһаар угалза оёжо һуудагыень һануулхал (Ч. Цыдендамбаев).