ОЁДОЛ

юум. н. 1) бүд, арһан г.м. эдлэлые зүүгээр хадхажа, утаһаар бэхилэн ямар нэгэ юумэ бүтээхэ ябаса, гараар гү, али машинаар юумэ бүтээхэ ябаса, оёлго (шитьё, процесс шитья): – Теэд оёдолһоо ондоо юу мэдэхэбши даа, баарһан! (Б. Мунгонов); 2) ямар нэгэн юумэ холбоһон хадхаса (шов, только в значении места соединения сшитых кусков ткани или кожи): – Хэндэшье хохидол болодог юм, – гээд, сестрада Цэрэмжэдэй операциин оёдол дээрэ жэн табиха гэжэ захяад, почто ошохоо гараба (Ж. Тумунов); оёдолой хагзарха холбогдоһон газарай хахарха, ударха (разрываться, расходиться – о шве): Дэгэлэй оёдол хагзалһандал тэрд гэһэн абяан гараад, шара гитлеровец газарта шарбажа унаба (Ж. Тумунов); оёдолоороо тэһэ һүрэшэхэ холбоһон хадхасын таһа бууха, хахарха (лопнуть по швам): Хоёр гараа хэхэ газараа оложо ядаһандал, хармаан руугаа түлхеэд, бүдынь бажуулсан, нюдаргаа зангидаһамни оёдолоороо тэһэ һүрэшэхэдэл гэбэ (З. Гомбожабай); Тэнгэриин оёдол (гү, али зүйдэл) манай галактикын түбэй ододой сугларал, Тэнгэриин зүйдэл, Огторгойн оёдол (Млечный Путь): Тэнгэриин оёдол дамжажа, / Наадан ябахынгаа барагта / Тэнгэриин үүдэ дэлижэ, / Доодо замбида харалайбди (Гэсэрһээ); 3) оёгдожо бүтээгдэхэ юумэн (то, что шьётся или сшито, шитьё): Гэрэй нэгэ ажалшантай боложо амаршаһан Санжид хүгшэн нюдэнэйнгѳѳ шэл зүүжэрхинхэй хүн оёдол дээрэл һууна (Г. Дашабылов); үлхэн оёхо оёдол нэхэгдэжэ байһан эдлэл (вязание): Баярмаа үлхэн оёхо оёдолоо гаргаба, Петя Жаргал хоёр бишыхан шатараар наадажа эхилбэ (Б. Мунгонов).