ОРУУЛЖАРХИХА

үйлэ ү., видэй нэгэ түхэл ямар нэгэн юумые ондоо юумэн руу табижархиха, хэжэрхихэ (моментально, быстро вводить, завести): Сонхо үргэнѳѳр нээгдэжэ, хэнэйшьеб хүсэтэй гарнууд хүбүүе татан үргэжэ, гэртэ оруулжархиба (В. Гармаев); һанаандаа (гү, али ухаандаа, ойндоо) оруулжархиха гэнтэ һанажархиха (вдруг вспомнить): Сэрэнцүү тэрэ солонгос уласай тэмсэл тухай бодолгото болон һууһаар инаг хайрата нүхэрѳѳ һанаандаа оруулжархиба (Ц.-Ж. Жимбиев); Тиихэдэнь лэ үбгэжѳѳл аша хүбүүнэйнгээ столой саанахи ханада үлгѳѳтэй байдаг энэ басаганай дүрэ тухай ухаандаа оруулжархиба (Д. Эрдынеев); Шойнзон гэнтэ энэ үбгэн тухай эхынгээ хэзээ заяанда хѳѳрэһые ойндоо оруулжархиба (З. Гомбожабай).