ОРО II

юум. н. хүйтэн орондо амидардаг һалаа туруутай амитан (олень): Эсэгэ хүбүүн хоёр зуу гаран оро алдаад, тэдэнээ олоод, Жэлындэеэ бусажа ябаһан зон байба (С. Цырендоржиев); оро сагаан һалаа туруутай амитан (олень): Аймаг орохо харгы хүнэй мэдэжэ ядаха юумэгүй, үбэлдѳѳ гансахан голоороол шахуу шаргалдаг, хабарһаа эхилээд, орой намар болотор оро сагаагаар, эмээл морёор лэ ябама эрьеэ зайһан уйтахан зүргэ аргамжатан һунаха (Ц.-Д. Хамаев); унаагай оро шаргада хүллэдэг оро (ездовой олень): Унаанайнь оро борьё-торьё шулуутай харгыгаар һайбар табиһандал түргѳѳр гэшхэлэн ябаа һэн (Ц.-Д. Хамаев).