ОРИЛХО

үйлэ ү. 1) бархирха, уйлаха, ори дуун болохо, ори дуу табиха (плакать, рыдать): Хүн зоной урда иимэ байдалда орожо үзѳѳгүй Тунгалагай нюдэн дээгүүр уһан гүйжэ, зүрхэниинь түшэгэнэн, газаа аадар доро гаража орилхо дураниинь хүрэбэ (Ц.-Д. Хамаев); орилхо бархирха (гү, али гэгэхэ) ехээр бархирха (плакать навзрыд, рыдать): Ханда иигэжэ һайн мэдэхэ дээрэһээ ѳѳрынгѳѳ иимэхэн хуби заяае орилжо бархиржа угтаагүй һэн (Ц. Шагжин); Юрэдѳѳ, эхэнэр хүнэй орилхо гэгэхэдэ, эрэшүүлэй олонхинь тэсэдэггүй гээшэл даа (Ц.-Ж. Жимбиев); 2) хашхарха, һүхирхэ, оог хуугай табиха (кричать): Фа этигээгүй янзатай «Эжы!» гэжэ орилоод, … иигэжэ хүсѳѳгүй тула ямаршье найдалгүйгѳѳр сурхирса уйлаба (Ц. Цырендоржиев).