ООГЛОХО

үйлэ ү. 1) хашхарха, һүхирхэ, шангаар дуугарха (кричать): Шууд түргѳѳр ябажа, богонихон саг соо ехэнхи замаа гаталһан Цэрэн зүүн шэлэдэ аһажа ябахадаа хэды дахин оогложо туршаба (Д.-Д. Дугаров); ооглоод абаха а) дуудажархиха (окликнуть): – Дугаржаб! – гэжэ гэнтэ хэншьеб ара талаһаань нэрыень ооглоод абана (Ц.-Ж. Жимбиев); б) хашхараад үзэхэ, һүхирѳѳд абаха (крикнуть, прокричать): Үхэр малайнгаа үргэһэн һүрдэһэн юумэдтэл үерэй уһанай эрьеэр гүйлдэхэдэнь, шангаханаар ооглоод абаба (Ц.-Ж. Жимбиев); 2) дуудаха, хашхаран дуудаха (кликать, окликать): Эгээл энэ үедэ үйлсын урда хажууһаа нэгэ хүн оогложо, хоюулан зуг татажа харан гэһээнь, хүндэлэн үйлсѳѳр урдаһаа нэгэ үндэр томо һамган ерэжэ ябаба (Б. Мунгонов).