ОНОБШОЛХО

үйлэ ү., баруун бур. тудаха (попадать в цель): Ан гүрѳѳл гүйдэл дундань онобшолон буудажа унагаадагшьегүй һаа, олзоборилһон бүхы ангуудыень ѳѳрѳѳ алажархиһан шэнги маһалзагша бэлэй (М. Осодоев); онобшолон хараха а) харажархиха, онигожорхихо, обёоржорхихо (увидеть, заметить): Юрэ бусын хүнэй ерэжэ ябахые Сохоол Паашхын хүбүүн Иван бултанһаа урид онобшолон хараад, гэртээ орожо, эсэгэдээ мэдүүлбэ (М. Осодоев); б) ехэ анхаралтайгаар хараха (тщательно рассматривать): Мүшэрэй забһараар онобшолон харахадань, Дүүхэй үнэхѳѳрѳѳшье сэбэр һайханаар, хэзээнэйхиһээшье урин зѳѳлэнѳѳр үзэгдэбэ (М. Осодоев); онобшолон таниха лаб, алдангүй таниха (узнавать наверняка): Үбгэд, хүгшэд Сэсэгэй бэһэлигые онобшолон танижа, али зэргээр дураа гутабашье, нэгэнииньшье ойронь ошохоо зүрхэлнэгүй (М. Осодоев).