ОНИБ

: ониб-аниб гэхэ үйлэ ү. 1) ялаг-ёлог гэхэ (мерцать – о звёздах): Һүниин харанхы / Һүүдэрлэн манантаад / Огторгойн мүшэдүүд / Ониб-аниб гээ (Д. Дамбаев); 2) анишагалдаха, эмниб-эмниб гэхэ, мэхэтэйгээр гү, али далдалан эмнилдэхэ (перемигиваться): Хойгуур һуугшад элидхэлшые шоо үзэн ониб-аниб гэлдэнэ; ониб гэхэ эмнижэрхихэ (мигнуть, подмигнуть): Ондоо элдэб юртэмсын мэндые / Олохоо, харахаа шэбшээл гүб гэнтэ: / Огторгойн оёоргүй гүн руу шэртээб, / Ониб гээ холо юуншьеб тэндэ (Ц. Дамдинжапова).