ОЛЗУУРХАХА

үйлэ ү. 1) урмашаха, зориг орохо, согтой болохо, сэдьхэлээ хүдэлхэ, сэдьхэлээ хѳѳрэхэ, баярлаха, һэгшэхэ (воодушевляться, окрыляться, оживляться, радоваться): Очир тайжа гэжэ үни холоһоо һурагаарнь мэдэхэ болоһон Энхэ Тайван мүнѳѳ тэрэниие хараһандаа, олзуурхажа байһаар, дайсанайнгаа гарта оробо түхэлтэй (Д. Батожабай); урмашан олзуурхаха зориг орохо, сэдьхэлээ хѳѳрэхэ (воодушевляться, распаляться): Үхибүүд бэе бэеынгээ амжалтада урмашан олзуурханад (Ч. Цыдендамбаев); олзуурхан хэлэхэ урматайгаар хэлэхэ (воодушевлённо, оживлённо говорить): – Тиимэһээ ши ѳѳрын хүн шэнги айлшалааш, – гэжэ нагасань ехэтэ олзуурхан хэлэбэ (Ч. Цыдендамбаев); 2) хорхойтохо, зѳѳриншэлхэ, заабол ямар нэгэн нэмэри олзо оруулхые хүсэхэ (зариться, стремиться к выгоде): Үхэр малай хужар һананхайшье һаань, һаалишад энэ мэшээгтэй юумээр олзуурхаһан хэбэргүй (Ц.-Ж. Жимбиев); Тэрэ үбһэнэй ехэдэ олзуурхан, нарин хилганые нарай малдаа үгэхэ, илангаяа эхэһээнь таһалһан амитадые тэжээхэ тухайгаа бодолгото болоно (Ц.-Ж. Жимбиев); мяханда олзуурхаха мяханда хорхойтохо, ехээр эдихэеэ һанаха (хотеть есть мясо): Буга хандагайн мяханда олзуурхадаг Халзуу баян һайхан сагаар үбгэдѳѳр ой гаралсахаш ха гү гэһэн юм (Ц.-Д. Хамаев); 3) уурлаха, сухалдаха, сухалаа хүрэхэ, сэдьхэлээ хүдэлхэ (сердиться, досадовать): Энэ нэрэ дуулахадаа, Емельянов сухалаа хүрэһэн шэнги болоод, ѳѳрѳѳ Ага хонходоогүйдѳѳ олзуурхана (Д. Эрдынеев).