ОЛОНХИ

1. тэмд. н. ехэнхи, диилэнги, ехэнхи хуби бүридүүлһэн (больший, преобладающий): Олонхи асуудалнууд нилээд арсалдаатайгаар шиидхэгдээшье һаа, үшѳѳ нэгэ тон шухала асуудал үлэнхэй, бүришье шанга зүрилдѳѳн болохоор хүлеэгдэнэ (М. Осодоев); олонхи ушарта ехэнхи ушарнуудта (в большистве случаев): Олонхи ушарта иимэ нюуса нэгэ хүнэй шэхэндэ дуулдаагүй, харин олон зоной шииртэ дуулдашаһан байхадаа болохо (Ц. Цырендоржиев); олонхи эрхэтэн бүгэдэ эрхэтэдэй ехэнхинь, диилэнги ехэнхи хубинь (большинство граждан); 2. юум. н. ехэнхи, ехэ хубинь (большая часть, большинство): Олонхинь бүлын зол жаргалай дулаатайгаар миһэрнэ, мүн зарим сонхонууд шонын нюдѳѳр гэтэһэндэл, хүйтѳѳр үзэгдэнэ (Д.-Д. Дугаров); олонхиин дуун дуу үгэлгэдэ ехэнхи хубинь, жэшээнь, һунгалгын гү, али шиидхэбэри баталалгын үедэ (большинство голосов): Энээниие олонхиин дуугаар шиидхэхэ болообди (Х. Намсараев); олонхиин шиидхэбэри байгша, хабаадагша зоной ехэнхи зонойнь баталһан шиидхэбэри (решение большинства).