ОЙЛГОСО

юум. н. 3) ямар нэгэ юумэнэй тайлбари, тайлбарилга (понимание, представление, трактовка): Зѳѳри гээшэ жаргалтай тэнсүүритэй гэһэн ойлгосо бага наһанһаа ой ухаандаа шэнгээжэрхиһэн Бизьяа совет засагай юрын ажалша хүндэ үгтэһэн бүхы эрхые гүйсэд хэрэглэжэ шадаа (С. Цырендоржиев); арадай ойлгосоор арад зоной үзэлээр (согласно народным представлениям): Бодхоогдожо зурагдаһан бүдүүн хоёр тэбхэгүүд арадай ойлгосоор үнэн сэхэ ябадал, һайн сагаан сэдьхэл гэһэн удхатай (С. Норжимаев); 2) ухамайлха арга, шадал, ухамайлха боломжо (понятливость): Гэнтын аюулда орошоходоо бишье иигэхэ һэн хаб, ойлгосо муутай болотороо эсээ сусаагүй юм һаа… (С. Доржиев); 3) алибаа юумэнэй гол шэнжэнүүдыень, мүн ондоо юумэнүүдһээ илгардаг шэнжэнүүдыень заадаг бодол, ямар нэгэн юумэн тухай юрэнхы бодол (понятие): Шэнэ юумэ хаража, тэрээндэ нэрэ үгэхэдѳѳ, хүн заабол ганса үгѳѳр нэрлэн, шэнэ ойлгосо бии болгожо, хэлэнэй нѳѳсэлгэ баяжуулдаг гэжэ мэдээжэ (С. Жамсаранова).