ОБЁОРХО

үйлэ ү. хараха, онигохо, оложо хараха, хаража олохо (замечать, увидеть): Тэрэ гэһэнһээ хойшо Намжал үхибүүдэй тэрээндэ ямар нэгэн ондоогоор хандадаг болоһыень обёорбо (К. Цыденов); обёороошогүй болохо хараашагүй, онигоошогүй болохо, хараагүйдэл болохо (притворяться не замечающим чего-л., закрывать глаза на что-л., игнорировать что-л.): Би энээнииень огто обёороошогүй болоод, наранай гараһан зүг уруу харасаяа шэглүүлбэб (А. Жамбалдоржиев); обёорхогүй хүн хараашагүй болодог, дээгүүр һанаархадаг хүн (верхогляд).