ОБОГ I

юум. н. 1) уг залгамжалһан гэр бүлын үгэ, алдар, фамили. Хубисхалай урда тээ имагтал хэрээһэ зүүһэн буряадууд болон хасагууд уг дамжуулан ябадаг фамилитай байһан. Харин бусад буряадууд иимэ дамжуулагдадаг фамилигүй, харин эсэгынгээ нэрээр фамили хээд, энэнь тэрэ хүнэй наһа дүүрэтэр хэрэглэгдэдэг байһан, жэшээнь: Бадмын Доржо (Доржи Бадмаев), Аюурай Пагма (Пагма Аюрова). Революциин һүүлээр олон буряад зон ород гуримаар фамили, отчество хэрэглэдэг болоһон гэбэл: хүбүүниинь үбгэн эсэгынгээ нэрэ фамили, харин эсэгынгээ нэрэ отчество болгодог һэн: Дамдинов Дампил Доржиевич, Цыренова Дарима Дугаровна (фамилия): Дүтэ наагуур танил бэшэ байһан хадань обогынь толгой соонь һуури эзэлэнгүй, дэгдэшоо гээшэ бшуу (Б. Шойдоков); обог нэрэ уг залгамжалһан гэр бүлын үгэ болон хүниие онсолон тэмдэглэһэн үгэ (фамилия и имя): Тиин диссертаци хамгаалха дүрбэн студентнэрэй обог нэрэнүүдыень дурдажа, хэһэн ажалайнь гол удха тухай Николай Иванович тон тобшоор хэлэбэ (Ч. Цыдендамбаев); бодото обог үнэн обог (настоящая фамилия): Генин-Дарма Сыренович Нацов (бодото обогынь Барбаков) 1899 ондо Түнхэнэй аймагай Улбагай нютагта түрэһэн юм (Б.-М. Жигжитов); 2) түүх. омог, яһан (род, племя): Доргошо галзууд обогой, Баатарай Бадматан Хойто-Агын Хамгалиин Зүүн-Жэбхээһэндэ, Нарин-Гуяын бооридо ажаһуужа байгаа (Б.-Б. Намсарайн); ○ нэрэ гэжэ үгэтэй парн. хэрэгл.