НЮУРАЙ

тэмд. н. 1) нюурта хабаатай, нюурта хэрэглэгдэдэг (лицевой): Мухани хүгшэнэй нюурай уршалаанууд сэсэг мэтээр задаршаба, досоонь наран наадашаба (С. Цырендоржиев); нюурай аршуул нюур гараа аршадаг хэсэг бүд (полотенце): Гурбуулан ошожо, Доржодоо хүнжэл, гурбан простыни, гурбан дэрын бүреэдэһэ, нюурай гурбан аршуул абабад (Ч. Цыдендамбаев); 2) ѳѳрын, хубиин (личный, частный): Үнэн дээрээ нюурай түлѳѳнэй үгэнүүд анхан эртэ урданай тодорхой удха харуулһан аффикснуудһаа гараһан юм (С. Трофимова).