НУУГА

юум. н. 1) агнуурида гү, али дайн байлдаанай газарта зосоонь орожо хорохо ба буу зэбсэгээ тодхохо байра, һуури, халхабша (засада): Баахалдайн ерэ ерэһээр маниие даража унамаар бэшээр нууга түхеэрбэбди (С. Доржиев); Третьяк Баторов хоёрой захиралта абаһаар хэдэн хоног эзэлһэн нууга сооһоо Цыбиков отрядаа яаралтайгаар гаргажа, зүүн хойто зүгые шэглэбэ (Б. Шойдоков); 2) шэлж. халхабша, хаалга (заслон): Энээниие харамсаараа партизанууд ойлгоо ха юм даа: тэдэндэ добтолхо гэжэ гэмгүй зоноор нууга хээд ябана гэжэ (Ж. Балданжабон); 3) шэлж. гүр, гүрдэлгэ, хара мэхэ, гэнэдхээлгэ (подвох).