НУГАРШАГҮЙ

тэмд. н. 1) хатуу, нугархаар бэшэ (не сгибаемый, твёрдый); 2) эрид, хатуу зоригтой, мүхэшэгүй (несгибаемый, непреклонный): Залуу үетэн Номгоной нугаршагүй эрэлхэгые, ерээдүйн гэрэлтэ һайханай түлѳѳ хизааргүй бэеэ үгэнги байһыень мэдэжэ абаг (Ц.-Д. Хамаев); нугаршагүй зориг эрид хатуу зориг (несгибаемая воля): Гэбэшье мойһон хара нюдэдынь нугаршагүй зоригой, юуншье болоо һаа болуужан, үхэтэрѳѳ тэмсэжэ һалаха байна гэһэн хүсэл эрмэлзэлэй ошоор сахилна (Б. Санжин, Б. Дандарон); нугаршагүй хүтэлбэрилэгшэ хэлбэришэгүй хатуу ударидагша, толгойлогшо (непреклонный, непоколебимый руководитель): Тиимэ һэн тулада арадай дунда баримтагүй, үнэн бэшэ һэбхи юумые хэлэжэ, арадай этигэлые алдажа болохогүй, тон үнэншэ, тон нугаршагүй хүтэлбэрилэгшэнь байха ёһотой (Х. Намсараев).