НОСОХО I

үйлэ ү. 1) аһаха, гал гараха, дүлэ гараха, дүрэхэ (зажигаться, загораться, гореть, сгорать): Ой модоной забда залигүй шааян шарьян ярьяхадань, хүйтэн һэбшээндэ дүлдэһэн һүниин түүдэг сортоотой ууртайгаар соробхилон носоно (Б. Мунгонов); 2) шэлж. хүнэй нюдэндэ галай бии болохо, ошоной бадарха, баяраар гэрэлтэхэ (гореть, озаряться каким-л. чувством – о глазах): Басаганай урихан нюдэдтэ нэгэ танигдаагүй баярай галхан носоод, нимһалхан нюурынь гэрэлтэшэбэ (Д. Эрдынеев); 3) шэлж. ямар нэгэн мэдэрэлдэ гэнтэ абтаха (пламенеть, оказываться охваченным внезапным чувством): Тэрээнэй дуран түрэл хүүгэдэйнь сээжэ соо мүнхэ һүлдэ болон носожо, амисхал ульһаараа бүхы наһандань дулаасуулжа ябадаг (Н. Очиров).