НОЙРГҮЙ

1. тэмд. н. үргэһэгүй, унтангүй (бессонный): Уймар нялха хэбтэхэдэмни, Энэ басаганай толгойдо тэрэ һүни, тэрэ нойргүй һүни ямархан хүсэл түрэжэ, хамаг сэдьхэлыень эзэлжэ байһые хэн мэдэбэ гээшэб (З. Гомбожабай); унтаха нойргүй үргэһэгүй (бессонный): Хэдэн олон үдэр соо үргэлжэлһэн унтаха нойргүй хүндэ ажалай һүүлдэ хорин хоногой амаралтаар табигдаһан Алексей Ильич баһал хүхюутэй (Ч. Цыдендамбаев); 2. наречи унтангүй, амарангүй (без сна, без сна и покоя): Одоо баһа гайхалтайгаар оролдожо, унтаха нойргүй ябажа, бараглан амиды абажа шадаһан юм даа (Ц. Дон); үргэһэ нойргүй унтангүй (без сна): Саарһаяа үргэһэ нойргүй носожо байһанаа тугаар һаяхан дүүргээд, унтахамни гээ һэн (Д. Эрдынеев).