НОХОЙРХО

үйлэ ү. элдэбээр аашалха, муугаа харуулха, хүниие баһаха, доромжолхо, һэнгэргүй болохо, убайгүйдэхэ (быть негодяем, подло поступать, хамить): – Хамаагүй, Яабагшанһаа айха гэжэ юун байхаб. Хэрбээ дахин тиигэжэ нохойроо һаань, һүхэеэ барижа үлдѳѳрэй (М. Осодоев); бү нохойро бү һүрхэй боло, бү һүрхэйтэ, бү аашала (не выступай, заткнись): – Бү нохойро! Би шамһаа абаха юумэеэ ѳѳрѳѳ мэдэхэб, намайе гай гарзада оруулаад, хойтыень зуун түхэриг мүнгыемни эдихэ залгихаяа һанаба гүш? (Х. Намсараев).