НИЛЭЭД

наречи һайса, яһала, ёһоор, бага бэшэ, нилээн (значительно, порядочно, довольно, изрядно): Нилээд ябаһанайнь һүүлээр намарай наран гаража, оршон тойронхи байдал тон һаруул болошобо (В. Гармаев); нилээд удаан яһала ехэ саг соо (довольно долго): Нилээд удаан тооһоёо гүбибэ сохибошье, харгыда дарагдаһан тооһонойнгоо хахадыешье гаргаха гээшэнь ехэл бэрхэтэй хэрэг байба (Ч. Цыдендамбаев); нилээд олон олоншог, яһала олон (довольно много): Иигэжэ нилээд олон дахин урагша хойшоо ябажа, зүрхэеэ нэгэ бага намдуулаад, сонхоёо нээжэ, орон дэлхэйе харан зогсоно (Ц. Шагжин); нилээд оролдохо яһала ехэ хүсэ гаргаха, һайса хүсэлхэ (прилагать довольно значительные усилия): Дёминиие харууһалһандал тэдэниие хүл дээрэнь гаргахын түлѳѳ Шоён нилээд оролдобо (А. Ангархаев).