НИИТЫН

тэмд. н. хамтын, олоной, бултанай, бүгэдэнэй (общественный): Ноябриин 28-най шууд эфирэй үедэ хотынхид ниитын тээбэриин ажалда гомдолоо оруулһан байна (vtinform.com); ниитын ажал хамтын ажал хүдэлмэри (общественная работа): Хото газарай хүдэлмэришэдэй амаралтынгаа үдэрые ниитын ажал дээрэ үнгэргэдэг болоһон һайхан заншал хүдѳѳдэшье дэлгэржэ байнхай (Д. Эрдынеев); ниитын журам ниигэмэй баримталха гурим (общественный порядок): Теэд жолоошон хүбүүнэй гэртээ үгышье һаань, ниитын журам эбдэдэг тэрэ хүнтэй яһалал танил байгаа (Ц.-Ж. Жимбиев); ниитын даабари олоной зүгһѳѳ хэгдэһэн даабари (общественное поручение): Зарим эмхи зургаануудта хүдэлдэг зонһоо олон агитатор болон бусад ниитын даабаритай зон бии болошоо ха юм (Ц. Цырендоржиев); ниитын зѳѳри олоной зѳѳри, хамтын зѳѳри (общественная собственность): ниитын зѳѳридэ гар хүрэхэ; ниитын баялиг хамтын баялиг, олоной эдлэхэ баялиг (общественное богатство): Ниитын баялигта зүбшѳѳлгүйгѳѳр гар хүрэжэ болохогүй; ниитын үйлэдбэрилгэ хамтын, олоной үйлэдбэрилгэ (общественное производство): Ниитын үйлэдбэрилгэ үрэ дүн ехэтэй; ниитын сүүд олоной шүүлбэри, олоной хабаадалгатай сүүд (общественный суд): Хэтэрээ һаа сүүд, ниитын сүүд боложо магадгүй (Д. Эрдынеев); ниитын суглаан хамта олоной сугларжа ямар нэгэ зүйлнүүдые зүбшэн хэлсэлгэ (общественное собрание): Һая болоһон ниитын суглаанай һүүлээр тэбхэр гурба хоноод байхада, колхозой хоёрдохи ниитын суглаан болобо (Ж. Тумунов); ниитын жасада орохо олоной жасада орохо (поступать в общественный фонд); ниитын элитэ ажал ябуулагша бүгэдын, хамта олоной ажал ябуулагша (известный общественный деятель): Ниитын ажал ябуулагша, гэгээрүүлэгшэ, багша Б.-Д. Очиров 1913 ондо гэнтын аюулда орожо, наһанайнгаа түлэг дунда алтан дэлхэйтэеэ хахасажа ошоһон намтартай (Б.-М. Жигжитов); ниитын эдеэ хоол хамтын эдеэ хоол, жэшээнь, һуралсалай эмхи, амаралтын болон эмнэлгын газарнуудта, элдэб эмхи зургаануудта г.м. (общественное питание): ниитын хоол дээрэ һураха; ниитын нүхэн хамтын, олоной хүүр (братская могила): Головинай сэрэгшэд ниитын нүхэ малтажа, байлдаанай талмай дээрэ ами наһаяа алдаһан ород, буряад нүхэдѳѳ хада гэртэнь хадагалбад (Б. Санжин, Б. Дандарон).