НИДАН

юум. н., будд. элдэб хүсэл, шунал бии болгодог шалтагаанууд (взаимосвязанные причины, порождающие мирские желания, которые мешают освобождению человека и держат его в сансарном мире): Буддын шажанда 12 ниданууд гэхэ гү, али нүгэлтэ ажабайдалай гол шалтагаанууд тоологдодог, далда удхатай элдэб дүрэ образуудаар зураглагдадаг. Жэшээнь, мунхаг гэжэ түрүүшын гол шалтагаан (нидан) хайшаашье ябажа байһанаа мэдэхэгүй һохор хүгшэнэй зурагаар харуулагдадаг. Буддын шажаниие мэдэдэг, тэрээндэ шүтэдэг хүн лэ амидаралдаа ямар зүб зам баримталхаб гэжэ мэдэдэг гэнэ. Энэ мэтээр хүнэй энэ дэлхэйһээ мултаржа, нирваанда хүрэхын тулада дабан гараха бүхы ниданууд зураглан харуулагдадаг.