НЭРБҮҮЛХЭ

үйлэ ү., идх. залог 1) дайрагдаха, нэрбэгдэхэ, үбшэнһѳѳ зобохо (страдать, испытывать боль от болезни): Үүхи мохоо болошохоор үбшэ зэмдэгтэшье нэрбүүлһэн хүн бэшэш (Ч. Цыдендамбаев); 2) хохидохо, доройтохо (страдать, терпеть урон): Гал түймэртэшье, зуд зоболондошье, дайн дажарташье нэрбүүлээ (Ц.-Ж. Жимбиев); 3) зобоохо, тамалха, туляаха (заставить страдать, мучиться): Намжай баянай түрүүшын һамганай ами таһалаа, мүнѳѳ басагыень хүндэ үбшэндэ нэрбүүлээд байна гэжэ намайе тухайлаа янзатай! (Д. Сультимов); 4) шэлж. зобохыень болюулха, алаха (избавить от страданий, убивать): Шонодо бажуулгаһан хониие ветеринар нэрбүүлээ хада дээрэ гэжэ заабарилба.