НЭМЭРГЭ

юум. н. 1) далабша, нэмнээ, хушалта (накидка, покрывало, попона): Хоёрдохи тэргэһээнь мүн лэ сагаан хубсаһан дээрэ хүрин шара нэмэргэ хэдэрһэн, гуша гарамгай наһанай, нюдэндѳѳ шэлтэй, набтар бэетэй, харабтар шарайтай ород хүн бууба (Х. Намсараев); 2) шэлж. орой, хушалта (свод): Һүүлэй һүүлдэ, хангай дайда нэмэргэтэй, хада шулуун хаялгатай Байгал далайн эрьедэ, Бархан уулын хормойдо байрлажа һууба ха (Ж. Балданжабон); 3) боох. гадартай, хушагдаһан дэгэл (крытый материей тулуп).