НЭЛЭНХЫ

1. тэмд. н. үргэлжэ, уужам, тэнюун, дэлгэр, дэлюун, бүхы (обширный, широкий): Онгосо саашалха бүреэ бага боло болоһоор, нэлэнхы уһан дайдын хурса гэрэл соо шунгашаһан юумэдэл, далда оробо (Ц.-Ж. Жимбиев); нэлэнхы үргэн (гү, али уужам, ехэ) уужам, тэнюун, дэлгэр, дэлюун (широкий, просторный): Энээнһээ удхатай түрэл тоонто Жэмһэгынь һанагдаадхина: нэлэнхы үргэн хуша ойгоор хушагдаһан ууланууд огторгой ѳѳдэ сорготон ербыжэ, дура зоригыень буляадаг бэлэй (Б. Шойдоков); Эндэмнай нэлэнхы уужам жэгдэ тала аад лэ, хоёр-гурбан налгай набтагар үргэн гүбээнүүд (Б. Мунгонов); Теэд гансахан Бооржодо иимэ бэшэ, хамаг нэлэнхы ехэ Ород гүрэнэй байдал үргэлжэдѳѳ иимэ болонхой ха юм даа (Д. Батожабай); 2. наречи, шангадх. уйгаргүй, айхабтар, ехэхэн, нилээд (значительно, порядочно, довольно, изрядно): Эндэ гол эрхэ нүхэсэлынь хадаа нэгэ хэлэ хэрэглэдэг нэлэнхы олон зон байха ёһотой юм (Л. Шагдаров).