НЭГЭТЭ

наречи 1) хэзээ нэгэ, хэзээб даа (однажды, как-то, как-то раз): Нэгэтэ, Баданай хүлдэһэн хүл гарайнь хургануудай эдэгэнтээд, хүл дээрээ хүсэд ябадаг болоһон хойно, үбгэн Тураахи хүбүүндээ ерэбэ (Б. Санжин, Б. Дандарон); нэгэтэ һүни хэзээшьеб нэгэ һүни (однажды ночью): Нэгэтэ һүни урдань бүрүүлхэн зулын бадаржа байһан бурханаа харан харан, унтахынгаа урда тээхи уншалга уншаба (Б. Санжин, Б. Дандарон); нэгэтэ үглѳѳгүүр нэгэ үглѳѳгүүр (как-то утром, однажды утром): Нэгэтэ үглѳѳгүүр Намжал бододог лэ хэмдээ һэришоод, нойрмог соогоо юунэйшье болоһыень удаан ойлгожо ядажа хэбтэбэ (К. Цыденов); нэгэнтэ бэшэ хэды дахин, оло дахин, нэгэ бэшэ, нэгэ дахин бэшэ (неоднократно, не раз): Үбгэн абатаяа нэгэтэ бэшэ бугын агнуурида гаралсаһан тула Тогоошо яажа үнэтэ эбэрые болбосоруулхые һайн мэдэхэ байгаа (Д.-Д. Дугаров); 2) мүнѳѳ болоходо (уже, раз уже): Нэгэтэ энэ хэрэг эхилһэн хойноо, заабол дүүргэхэ хэрэгтэй.