НЭЭЛТЭ

юум. н. 1) ямар нэгэ арга хэмжээнэй эхилэлтэ, эхин (открытие, начало): Баргажан уулын хормойдо оршодог Улан һууринда шэнэлэгдэһэн Соёлой байшанай нээлтэ үнгэрбэ (minkultrb.ru); Намар боложо, хотымнай театрнууд театральна сезонойнгоо нээлтэнүүдые эхилбэ; 2) шэнээр тогтооһон, элирүүлһэн юумэн, гүйсэд ойлгогдоһон үнэн юумэн (открытие, новая истина): Алдар суута ороноймнай алас бүхэндэ агууехэ үйлэ хэрэгүүд: асари ехэ барилганууд, агуу нээлтэнүүд хэгдэнэ (Ц.-Ж. Жимбиев); Харин гэрэй оршолон иимэ болоходоо, ажалнишье урагшатай, ехэ хүсэ гаргангүй хэһэн мэтэб. Энэ нээлтэ намда илангаяа гайхалтайгаар, һонин шэнгеэр үзэгдѳѳ (Ц. Цырендоржиев).