НАРИНААР

, наряар наречи 1) бүдүүн бэшээр, багахан зуруудаар (тонко, тонкими полосами): Борсолхо мяхаяа дан бүдүүнээр зүһэжэ байнат, нэгэ заа наринаар отолхо хэрэгтэй; 2) дээгүүр, хонгёогоор, бүдүүн бэшээр (высоко, звонко): Хитад, монгол наймаашад ѳѳр ѳѳрынгѳѳ юумэ магтажа, үрдилдэжэ байгаад, бүдүүн наринаар, һѳѳлдэнхэй гоншоогоор дарья табилдана (Б. Санжин, Б. Дандарон); Юрэдѳѳ, туд тудтаа ондоогоор: бүдүү наряар, һулаханааршье абяа гаранад (Ц.-Ж. Жимбиев); 3) һайнаар, шэн нягтаар, жэншэдгүйгѳѳр, тодорхойгоор, болгоомжотойгоор (тщательно, аккуратно, детально, осторожно): Наринаар тооложо, бодожо үзэхэдэнь, хонин бүриһѳѳ дунда жэшээгээр табан кило долоон зуун грамм нооһон абтаһан байба (М. Осодоев); наринаар ажаглан үзэхэ анхаралтайгаар, жэншэгүй шэнжэлэн үзэхэ (тщательно осматривать): Эдэ бүхэниие наринаар ажаглан үзэхэ, зүрхэ жүлдыень шагнаха, эм дом шудхаха, тарилга хэлтэй болоно (Ц.-Ж. Жимбиев); наринаар бариха яб гэмээр, гамтайгаар хэрэглэхэ (бережно, аккуратно пользоваться): – Энэ номоо наринаар баригты, бү хахалагты (Ч. Цыдендамбаев); наринаар сахиха ехээр гамнаха, гамтайгаар, химгадан хандаха (бережно хранить, тщательно охранять): Бэлшээриеэ наринаар сахижа, нэгэ газартань яр ябта болотор бэлшээлгэнгүй, саг үргэлжэ һэлгүүлжэ байдаг (М. Осодоев); наряар ябаха болгоомжолхо, һэримжэтэй ябаха (быть осторожным): Үгы, юрэдѳѳ, наряар ябахаа яагаа хүмши, балбаана загаһан шэнги балхайгаад, батаар шүүрээд абагшабши, юрэдѳѳ (Г. Цыдынжапов); 4) уран гоёор, һайханаар, гоё хэлбэритэйгээр, гоёожо (изысканно, утончённо): уран наряар дархалһан эхэнэрэй зүүдхэл.