НАМИЛЗАХА

үйлэ ү., видэй нэгэ түхэл далбаганаха, нарбаганаха, намиганан хиидэхэ (развеваться, реять – о знаменах): Тэрэнэй тархяа бооһон улаан пулаадайнь шэгшэгүүд һалхинда намилзана (Ц.-Ж. Жимбиев); намилзаха надхаха ехээр найгалзаха, гуйбалзаха (сильно колыхаться – напр. о густо разросшихся цветах): Елэлзэмэ хара уһата Хара-Нуурай эрьеын баруун тала дээгүүр намилзан надхан байһан үнгэ бүриин сэсэгүүд оло мянган үймѳѳшэдэй хүлдэ гэшхэгдэжэ, үндэһѳѳрѳѳ үгы болоһоор үнинэй (Д. Батожабай); намилзан мандаха дээгүүр хиидэхэ, нарбаганаха (реять): Амидаралай һүлдэ мэтэ полкын туг намилзан мандажа, амиды үлэгшэдые, хойто үетэниие ерээдүй тээшэ уряалһаншуу үзэгдэжэ байгаа бэлэй (Д.-Д. Дугаров).