НАМДУУЛХА

үйлэ ү., идх. залог үйлэ хэрэгэй дээдэ хэмжээе бууруулха, болихо тээшэнь болгохо, нам аали болгохо, номгоруулха, һуларуулха (утихомировать): Жамгановай солдадууд модоной узуурта хорон хэбтээд, ойро зуура буудалгаа намдуулба (Ж. Тумунов); гэшхэдэлээ намдуулха алхамаа аалидуулха (сбавлять шаг): Гэшхэдэлээ намдуулжа, бишыха амяа дараба (К. Цыденов); ябадалаа намдуулха ябадалаа аалидуулха, барид гэхэ, удааруулха (замедлять ход): Дары поездшье ябадалаа аалидхаһаар намдуулжа, хотын станциин томо шулуун вокзал тушаа ерээд, түр-нир гэжэ тогтобо (Ц. Дон); 2) шэмээгүй, аалин болгохо (делать тише, убавлять звук): хоолойгоо намдуулан хэлэхэ; 3) тайдхаруулха, һанаа амар болгохо (успокаивать): Теэд гэрэй үрхѳѳр бааяжа байһан утаан тэрэнэй сэдьхэлые нэгэ бага намдуулан амаруулба (Ц. Шагжин); зүрхэеэ намдуулха уушхарха, сухалаа тарааха, һуудхарха (успокаивать своё сердце): Иигэжэ нилээд олон дахин урагша хойшоо ябажа, зүрхэеэ нэгэ бага намдуулаад, сонхоёо нээжэ, орон дэлхэйе харан зогсоно (Ц. Шагжин).