НАЛАЙХА I

үйлэ ү. сэдьхэл хангалуун байха, һанаагаа амарха, сэдьхэлээ ханаха, таашааха, аяшааха, зохидшоохо (быть довольным, получать удовольствие, наслаждаться): Гэртэ газаа шэбэнэжэ, һабинажа, Цырмаа тиимэ, иимэ, тэндэ тиигэжэ ябана гэжэ байгаад, хоб-жэб тараажа, налайгаа агша һэнши (С. Ангабаев); Нуурай эрье шадар шүдэрлэжэ табигдаһан гушаад морид үндэр газарай сэрмүүн ногоондо налайна (Д.-Д. Дугаров); налайжа һууха байдалаар сэдьхэл дүүрэн ажаһууха, хашалангүй байха, һанаа амар байха, ямаршье зоборигүй, аажам оршохо (жить в довольстве, беззаботно): Тиихэдээ баһа хүн хадаа бодхооһон гэр соошни айл бүлын налайжа һуухые харахадаа баясаа болодог бэзэб даа (С. Цырендоржиев).