НАХИС

: нахис-нахис гэхэ, нахис-хотос гэхэ үйлэ ү. 1) зѳѳлэхэнѳѳр, уян нугархайгаар, хотолзон хүдэлхэ (плавно ступать, идти плавной походкой): Хашарһа мүнгѳѳр ялалзаһан хүхэ торгон платитай Тамара нахис-хотос гэшхэлэн гаража ерэбэ (С. Цырендоржиев); нахис гэхэ хотойгоод абаха, бэеэ нугаруулан, халта нахиигаад абаха (прогнуться посередине): Нариихан шарга мориндоо / Нахис гэсэ мордожо… (Х. Намсараев).