НАГАСА

юум. н. 1) эжын аба, эжын аха дүү, эжын талаар түрэлнүүд (родные по материнской линии): Тиигээд танай эсэгэ минии эхэтэй нагаса зээ болохо байгаа юм (Х. Намсараев); Нагасаяа хүндэлһэн хүн наһандаа хэшэгтэй (Оньһ. ү.); нагаса аба (гү, али баабай, эсэгэ) эхын аба (дедушка по матери): Ханда нагаса аба Манжуур Тайбанһаа монгол бэшэгтэ һураһан, тиигээд хууша латын дэлгэрхэдэ, тэрэниие ѳѳрѳѳ үзэһэн байгаа (Д. Эрдынеев); Харин нагаса баабаймни тиигэжэ ябаал һаа, ухаанай дэлгэрэнгыдэ, сэсэндэ хүртэхэш гэжэ нэмэдэг байгаа (Ц. Цырендоржиев); Нагаса эсэгынгээ эбэр дээрэ гарамсаараа зүрхэ орожо, арбагархан гараараа шэрүүн һахалыень эльбээд үзэнэ (С. Цырендоржиев); нагаса эжы эжын эхэ (бабушка по матери): Дулма нагаса эжынгээ энэ хѳѳрэһые гүлмэрхэн ухаандаа гүнзэгыгѳѳр шэнгээн абажа, юумэ ондоохоноор ойлгожо эхилээ бэлэй (Б.-Б. Намсарайн); нагаса аха эжын аха, дүү (дядя по матери): Хара багадань, эхэ эсэгынь орхижо үхэшэхэдэ, тэрэниие нагаса ахатаниинь үргэжэ абаһан байгаа (К. Цыденов); нагаса абгай (гү, али хээтэй, эгэшэ) эжын эгэшэ, дүү (тётя по матери): Түрэл гаралайнгаа, нагаса абгайнгаа, хүршынгѳѳ хойноһоо адаглажа, адуулжа байха хүн олдохо гү? (В. Гармаев); Заахан байгаа ха юмши, нагаса хээтэйгээ һананагүй ёһотойш (Ц. Шагжин); Нагаса эгэшэнь энхэргэн дулааханаар хандадаг, ѳѳрынгѳѳ үхибүүдһээ үлүүгээр һургажа, дуран соонь байлгахаяа оролдодог һэн (Ц.-Д. Хамаев); нагаса бэргэн эжын ахын һамган (жена дяди по матери); 2) эжын аха, дүү (дядя по матери): Хаанашьеб Хэшэгтэ нагаса бии юм гэжэ Доржо урданай мэдэхэшье һаа, хаража үзэһэнѳѳ һанадаггүй (Ч. Цыдендамбаев); Нагасаяа хүндэлһэн хүн наһандаа хэшэгтэй (Оньһ. ү.); Нагасын хүрэнгэдэ гараа угаабал, гарай үүн үгы болохо гэдэг.