НААХАНУУР

1. наречи 1) наанахана, наагуур, дүтэхэнүүр (несколько ближе, по этой стороне): Саагуураа модотой хадаар хүреэлэгдэһэн, наахануураа шугы бургааһатай малай үбэлжѳѳн харагдаба; 2) гүйхэнѳѳр, халиргайгаар (поверхностно): наахануур шэнжэлхэ; наахануур бодохо гүйхэнѳѳр бодохо (думать поверхностно); 3) үнэнхэ бэшээр, ёһын тэдыдэ, шүдэнэй сагаанаар (неискренне, исподтишка): Үгышье һаа хэлэһэн үгэнүүдынь наахануур, ёһо дүүргэнгээ хэлэгдэһэндэл һанагдаад, Доржые бүришье гашуудуулжа болохол (Ч. Цыдендамбаев); 2. тэмд. н. 1) гүйхэн, гүнзэгы бэшэ, ёһо түшүүлһэн (поверхностный, неглубокий): …хори буряадуудай эртэ урда сагта нүүжэ ябахадаа нютагжаһан Бада-Ёго нютаг олохобди, тэндэ алта мүнгэн соо умбахабди гэжэ наахануур бодолтой бэлэндэ дуратай хүнгэн ябадалтайшуулые үгэдѳѳ оруулаад, тэдэнэртэеэ зѳѳдэлдэ хэрэгтэй болохо тэргэ унаа, айрһа хурһаяа, борсо аарсаяа доохонуур бэлдэнэд (Б. Цыбиков); 2) үнэнхэ бэшэ, хуурмаг, ёһо түшүүлһэн (неискренний, притворный, искусственный); 3. дах. ү. 1) юумэнэй энэ талаар, наада талаар, наада тээ, наада тээгүүр (по эту сторону, на этой стороне): Баруун хадын наахануур / Булай олон хони ямаанууд. / Булай олон хони ямаанууд / Бултанаймнай баялиг лэ (Арадай дуунһаа); 2) абан, алдан (чуть не…, почти): Багахан онгосо жаахан зомгоол шэнгеэр долгиндо шэдүүлжэ, хүмэрихэ урбалдахын тээ наахануур үлгыдүүлэн хэлбэлзэнэ (Б. Мунгонов).