НААДУУЛХА

үйлэ ү., идх. залог 1) наадахые баадхаха, наадаха арга боломжо олгохо, наадахые зүбшѳѳхэ (велеть играть): Загарай аймагай Асагад һууринда 40 гаран жэл соо түбхинэжэ ажаһууһан багша, һургуулида хүдэлхэдѳѳ, үхибүүдые шагай наадуулжа һургадаг һэн (Б. Балданов); 2) зүжэгтэ ямар нэгэн роль гүйсэдхүүлхэ (велеть исполнять роль в пьесе): «Тайшаагай ташуур» гэһэн пьесэдэ Ринчин-Доржо Дымбыловай роль Содном Хажитоваар наадуулһан юм; 3) хүгжэмэй инструмент дээрэ хүгжэм гүйсэдхүүлхэ (велеть играть на музыкальном инструменте): Цэбэгмид Ринчиновичэй багада һонор сэсэн Сэбээнэй Шэмэд үбгэн лимбэ дээрэ наадуулжа һургаһан, тиимэһээ тэрэ дадалаа дам саашань ѳѳрынгѳѳ шабинарта дамжуулхаяа оролдоол даа (Ц.-Х. Дарибазарова); 4) туяатуулха, гоёор ялагануулха (заставить сверкать, отражать свет): Һаруул ехэ сонхонуудтаа наранай элшэ наадуулһан, дүрбэлжэн оройтой һургуулиин байшангай урда сагаахан самсатай, оодон үмдэтэй үхибүүд жэрылдэн зогсонод (С. Цырендоржиев).