НААДА

1. тэмд. н. хэлэжэ байгаашада энэ талада байгааша, эгээ дүтэ байгааша, наана байһан, дүтын (ближайший, находящийся по эту сторону): Тэрэнь үнгэрһэн һүни столой наада хажууда һуугаад, Гомботой хѳѳрэлдэһэн, түргэн хэлэтэй шара хүн байгаа (Ц. Дон); наада эрье хэлэжэ байгаашада дүтэхи эрье (этот берег): Тииһээр байтар, хэдэн хүн уһанай наада эрьедэ гарашаһан, тэдэнэр сомоо тээшэ шэглэжэ ябабад (С. Ангабаев); наада заха (гү, али тала) а) ямар нэгэн юумэнэй хэлэжэ байгшада дүтэ талань (ближняя сторона): Һууринай наада заха харагдаба; б) абаһаар харахада, эгээ багаарнь бодобол (по крайней мере, как минимум): Иимэ дээрэһээ, наада захань гар хажуур, гар тармуур хүрэтэр зэмсэгээ хурсадажа һураха ябадал таанарта тохёолдоод байна гээшэ (Х. Намсараев); наада захада (гү, али талада, заха тээ) юумэнэй дүтын таладань (на ближней стороне): Хойто зүгэй нюсэгэн һарьдагай хаяаһаа хормойтоһон тайгын наада захада танил майханууд сайбалзан харагдана (Д.-Д. Дугаров); Тобогорхон добын наада талада бүлэг уляаһад һажана (Ж. Тумунов); наада захын хэлэжэ байгаашада эгээ дүтэ байгаашань (ближайший): Үхэхын туйлда хүрэжэ сүхэрһэн Гомбо удангүй нэгэ бүлэг байрын дэргэдэ ерэжэ, галтай байһан наада захын нэгэ танигдаагүй айлай газаа буужа, һанаагаа амарба (Ц. Дон); 2. юум. н. хажуудахи, хажуу тээ байһан хүн гү, али юумэн (тот, кто или что находится возле кого-л., чего-л.): – Наадашни шамайгаа мэхэлхэеэ байна, ойлго!