НАҺААРАА

наречи, яряан. наһан соогоо, бүхы наһандаа, хододоо, хэзээшье (всю свою жизнь, всегда; сроду, никогда): Зүрхэнэйнгээ хилүүсэ барюулхагши, / наhаараа тэндэ ажаhуугаа hаам… (Э. Зандраев); бүхы (гү, али бүхэли, үе) наһаараа бүхы наһандаа, хододоо, хэзээшье (всю свою жизнь, всегда; сроду, никогда): Ямар һонин юм, бүхы наһаараа суг ябаад, гэнтэл мэдэхэдээ, хоёр тээшээ хуби заяанайнгаа зам дахан таһаршаха, холодошохо (С. Цырендоржиев); Тэрэгүй һаа бүхэли наһаараа барлаг боложо ошо! (Д. Батожабай); Үе наһаараа эдлэжэ амидарһан, хэр угһаа хуби заяантаймни таһаршагүй холбоотой газар уһамнай ха юм даа (Д.-Д. Дугаров).