НҮРѲѲ

ѲѲ юум. н. 1) түргэн халдадаг, эдеэрэтэй сэбэрюу гарадаг үбшэн, сагаан сэсэг (оспа): Ниршуу городой полициин нилээдгүй горитойхон модон гэрэй нэгэ таһаг соо столой саана томо бэетэй, анхан нүрѳѳ тахалда хэбтэжэ, боржогор эреэн болошоһон шэрүүн муухай шарайтай хүн һуужа байна (Х. Намсараев); хара нүрѳѳ сагаан сэсэг үбшэн (оспа): Анхан тогтоогдоһон янзаар ажамидаржа, ой тайгаһаа хэшэг гуйжа, үлэеэ залгадаг энээхэн яһанай хүн зон гэнтын гайда – хара нүрѳѳ үбшэндэ нэрбэгдэн, үндэһѳѳрѳѳ хосорхын туйлда хүрэһэн юм (Г. Базаржапова-Дашеева); 2) нүрѳѳгѳѳр үбдэһэнэй һүүлээр үлэһэн хонхор һорьбо (следы на лице после болезни оспой, рябины, оспины): Түглэгэр үргэн мүрэтэй, задарюун томо бэетэй, нүрѳѳдэ боршогор болоһон хара шарайтай, ехэнүүд нүхэтэй һарнагар хамартай, уралынь дарбагар зузаан, хоёр нюдэниинь сог мэтэ ялалзажа, Гомбын нюурые алдангүй хёрхоор гэтэжэ, танижа ядаһан хэбэртэй, абяагүй һууна (Ц. Дон).