НҮХЭСЭХЭ

үйлэ ү. 1) ханилха, нүхэд болохо, танил тала болохо (подружиться, дружить): Хаяа хадхажа ажаһуудаг үгытэйшүүлэй үхибүүд хара багаһаа нүхэсэһэн, нэгэ табагһаа шүлэ халбагадаһаншье байха (М. Осодоев); Тэрэ эдир залуу наһанһаа дарханай зэбсэгтэй нүхэсэжэ, хэды олон байра байдал баряа гээшэб! (С. Цырендоржиев); моритой нүхэсэхэ мориндо дадаха, эжэлшэхэ (привыкать к коню): Балшар багаһаа моринтой нүхэсэһэн тула эмээл дээрээ һүүжэлдэн һуунхай юумэ үнѳѳхи тоог тээшээ бүншүүлнэ (М. Осодоев); нүхэсэн хамтаралга һанал нэгэтэнэй бүлгэм (сообщество); 2) хамжаха, хамтарха, ниилэхэ (быть спутниками): – Тэдэнээр нүхэсѳѳд, хамта ябашагты! – гээд, Маланов хүсэнэгтэй тоотой ута саарһануудые бэлдэжэ, ѳѳрынгѳѳ ажалда оробо (Ц. Дон); дуунтай нүхэсэхэ ходо дууладаг байха, дуунда дуратай байха (дружить с песней): Манай эндэхи малша зон хэдынэйшье сагта хээрэ ябадаг һэн хойноо үргэн талын дунда уран һайхан дуунтай нүхэсэдэг бэлэй (Ц.-Ж. Жимбиев).