МYРГЭЛДYYЛХЭ

үйлэ ү., идх. залог тоншуулха, тоншолдохыень баадхаха (сталкивать друг с другом): – Ойлгосотой! – гэжэ солдат хас байса гуталайнгаа һүеы мүргэлдүүлээд, гаража ошобо (Д. Батожабай); толгойнуудые мүргэлдүүлхэ духа духаарань сохюулха (сталкивать лбами): Эдэ хоёрой гэзэгэнүүдһээнь баряад, толгойнуудыень мүргэлдүүлжэ унагаагаад, буунуудыень абажа, уһа уруу хаяжархихамни гэһэн хүүгэдэй бодол хаанаһаашьеб толгой соонь ороод абана (Д. Батожабай); духаряагаа (гү, али хундагаа) мүргэлдүүлхэ хундагануудаараа тоншолдоод абаха (чокаться бокалами): Энэ һониниие дуулгааша боложо, архидахаяа ерэһэн Дугардаантай духаряагаа мүргэлдүүлхэ дуратайшуул байбагүй (Ц.-Ж. Жимбиев); Ерэһэн хүн бүхэнтэй тэрэ хундагаяа мүргэлдүүлбэ, аша, зээнэрэйнгээ толгойхонуудые ээжэлүүлэн эльбэбэ, үндэбэ (С. Цырендоржиев).