МОРДОХО

үйлэ ү. 1) мориной зүб талаһаа зүүн дүрѳѳень дүрѳѳлѳѳд, морин дээрэ гаража һууха, мори унаха (садиться на лошадь): Түрүүлэгшын сабидар мориндоо мордожо байхадань, конторой саанаhаа тэргэ торшогоноhоор гаража ерэбэ (Г.-Д. Дамбаев); мотоциклда мордохо мотоциклда һууха (садиться на мотоцикл): – Намда хоб бү хэлэгты! – гэжэрхёод, Арсалан түргэхэн мотоциклдаа мордожо, гэдэргээшье харангүй гүйлгэшэбэ (Ц. Шагжин); 2) харгы замда гараха, ошохо, ябаха (отправляться в дорогу, уезжать): Энээнһээ хойно хоёр хоноод байхада, Даша ехээр халууржа, Дичигмаа Даша хоёр Улаан-Үдэеэ мордобо (Ж. Тумунов); мордохын мэндэ замда гарахаяа байһан хүндэ хэлэһэн, юрѳѳһэн үгэ (напутственное слово); мордохо дээрээ замда гарахынгаа түрүүн, хахасахаһаа урда (перед отъездом, на прощание): Мориёо эмээллээд мордохо дээрээ үзэн гэхэдэнь, сумаань хүндэ болошоһон байба (В. Гармаев); ◊ бурхан баабайдаа мордохо наһа бараха, нүгшэхэ (умереть, скончаться): Бѳѳ үни хада бурхан баабайдаа мордоо, һүнэһэниинь бусажа ерэнхэй, гэрээр дүүрэн хүнхинэжэ байна гэһэн тунхаг тарабал даа (М. Осодоев); 3) шэлж. наһа бараха, нүгшэхэ (умереть): Зай, тиигээд лэ, миниингээ мордоһон хойно эхэеэл һайханаар, хүн зоной атаархамаар үргѳѳрэйгты (С. Цырендоржиев).