МИЛААНГУУД

, милаагар, милаагуур юум. н. үхибүүнэй түрэһѳѳр гурба хоноод байхада, тоонто тайлган гэхэ гү, али нарайлһан эхэнэрэй хойтые газарта булаха ёһолол. Энэ үдэр гэрэй эзэнэйхид найршуу юумэ хэдэг; сай аягалжа, хүн бүхэндэ саахар, конфетэ, мүнгэшье бэлэг баридаг hэн. Энээнэй үедэ хүйhэ хүндэhэн эхэнэртэ, мүн үндэр наhатанда самса бэлэг баридаг байгаа. Ойрын түрэлэй үбгэд, хүгшэд түрэhэн үхибүүндэ хурьга, эшэгэ, тугал, буруу заадаг бэлэй (день рождения, который справляли только раз, когда ребёнку исполнялся год): Энэ хүбүүнэйнгээ гарахада, эрэ гэргэн хоёр туйлгүй ехээр баярлажа, тойрожо һууһан хүн зон, айл аймагаа урижа асаржа, хүхэ ямаагаа алажа, милаангууд хэһэн юм (Х. Намсараев); Милаанда ерэһэн хүнүүд угаа дамжуулха хүдэр хүбүүтэй гү, али нэрээ нэрлүүлхэ басагатай болоһон ушараарнь гэрэй эзэдые амаршална (soyol.ru).