МЭТЫН

дах. ү. адли, адлишуу, адлирхуу, шэнги, түһѳѳтэй, хэбэртэй, иимэрхүү (подобный кому-чему-л.; такой, как…): Иигээд лэ намда, нам мэтын хүнүүдтэ амар заяа үзүүлхэеэ болихонь гээбы (Б. Мунгонов); ман мэтын бидэн шэнги (такой, как мы, подобный нам): Ман мэтын амитанда зол жаргалые хүсэһэн зон дуулана (Г. Цыдынжапов); та мэтын залуушуул тан шэнги залуушуул (молодёжь, подобная вам); энэ мэтын энээндэ адли, энээн шэнги, иимэрхүү (подобные этому, такие как это): Энэ мэтын хүндэ уйдхар зоболонгоо һана һанаһаар, нэгэ үе зүүдэлжэ байһан шэнги һуларан, нэгэ үе тэмсэлдэжэ байһан шэнги шүрбэһэеэ шангадхан хэбтэнэ (Х. Намсараев); энэ мэтын хѳѳрэлдѳѳн иимэрхүү хѳѳрэлдѳѳн (такой разговор): Энэ шуургата һүни Жарантайн утаатай гэрхэн соо энэ мэтын хѳѳрэлдѳѳн орой болотор үргэлжэлѳѳ һэн (Б. Санжин, Б. Дандарон); гэхэ мэтын гэхэ зэргэ, гэхэ зэргын (такие как): Тиигээ һаа мүнѳѳ тад ондоо байха һэн гэхэ мэтын һаналнууд Арсаланай зосоо хойно хойноһоо һубарилдана (Ц. Шагжин).