МЭНЭГЭР

тэмд. н. 1) хүри улаан аад, бадайрһан, манхагар (багровый и одутловатый); мэнэгэр улаан хүри улаан, хабантаһан, үбшэнһѳѳ улайһан, манхагар (багровый, болезненно красный и одутловатый): Агнуурида дашуурһан хүбүүд хүлэйнгѳѳ мэнэгэр улаан болошоод, хаха ташан янгинажа байхые одоол һая ойлгожо, гуталаа түргэн үмдэбэ (Б. Мунгонов); мэнэгэр хүрин хүри улаан (багровый): …столой нүгѳѳдэ шэгшэгтэ һуунхай, мэнэгэр хүрин шарайтай болошоһон Хандама ото дуугай байтараа… (Ш.-С. Бадлуев); мэнэгэр байлга һэлхэнтэлгэ, хабанталга, молһогор байлга (одутловатость); 2) манаранги, балартаһан (затуманенный): Үсэгэлдэр бүхэли һүни таалалдажа хоноһонһоо урални хордожо, харин толгоймнишье дутуу унтаһанһаа нэгэ бага мэнэгэр хүндэ шэнги (А. Жамбалдоржиев).