МЭДЭЭСЭЛ

юум. н. 1) хүнѳѳр гү, али тусхай оньһоор абадаг оршон тойрон тухай мэдээн, баримта зүйл (сведения, данные, информация): Таанар ѳѳһэдѳѳшье һайн мэдэнэ хаямта даа, Совинформбюрогой мэдээсэл үдэр бүри шагнана хаямта даа (Б. Мунгонов); шэнэ мэдээсэл дуулагдаагүй, дуулгахаар мэдээн (новые сведения): Баярлаһан Дэлгэр тэдэнэртэй мэндэшэлэлдээд, тиимэшье дуулгахаар шэнэ мэдээсэл үгы һэн хойнонь бандидуудтай суг хамта мүнѳѳ байһан тухайгаа хѳѳрэжэ үгэбэ (В. Гармаев); тагнуулшын мэдээсэл тагнуулһаа ерэһэн хүнэй мэдээн (данные разведки); 2) дуулгажа мэдэгдэхэ һураг, һонин, суу (известие, весть, донесение): Теэд иимэ хүндэ хүшэр юумэ шэрэжэ үзѳѳгүй: уйдхар гашуудалта мэдээсэлһээ хүндэ юумэн хаана байхаб даа (Ц.-Ж. Жимбиев); баяртай мэдээсэл хүхюун, баясхаланта мэдээн (радостное известие): Эгээл энэ үедэ, ноябриин арбан юһэндэ, радио баяртай мэдээсэл дуулгаба: Улаан Армиин добтолго эхилээ! (В. Гармаев); муу мэдээсэл гай тодхор тухай һураг (дурная весть): Тиигээд лэ аймаг ошохо бүхэндѳѳ зүрхэниинь шэмшэржэ, муу мэдээсэл бү байһай даа гэжэ зальбархаһаа нааша хүлгэжэ эхилшэдэг (Ц.-Д. Хамаев); олондо мэдээсэл тараадаг хэрэгсэлнүүд хэблэл, радио, телевидениин нэбтэрүүлгэ, кино г.м. мэдээсэлые олониитэдэ хурдан тарааха арга замууд (средства массовой информации): Буряадууд олондо мэдээсэл тараадаг хэрэгсэлнүүдэй нэгэн болохо радио дамжуулгануудые 1929 ондо шангажа эхилһэн юм.