МЭДҮҮЛГЭ

юум. н. 1) мэдэээсэл, захилга, эмхи зургаанай даргын нэрэ дээрэ тогтомол хэбээр бэшэгдэһэн ямар нэгэ юумэнэй ушараар гуйлта, эрилтэ (заявление, заявка): Тиимэһээ хүндѳѳр һанаа алдаад, мэдүүлгыень ѳѳр тээшээ татажа, харангүй шахуу гараа табяад, юуншье гэжэ хэлэнгүй урдаһаань түлхеэд, буруу харашабаб (Ц. Цырендоржиев); албан ёһоной мэдүүлгэ хуулита эрилтэ (официальное заявление); 2) урилга, дурадхалга, барюулга (приглашение); табаг мэдүүлгэ зорюута ерэһэн айлшанай, аянай хүнэй гү, али оло ябадаггүй наһатай хүнэй ерэхэдэ гэрэй эзэн эхэнэр тэрэнэй урда табюур табяад, сай аягалжа, заабол хоёр гараараа гартань барюулһанай һүүлээр сагаан эдеэтэй табаг табяад, гэдэргээ сухарижа: «Табаг баригты», – гээд дохилго (приглашение к еде).