МАСАГ

1. юум. н., будд. буддын шажанда мяха эдихые, үдэһѳѳ хойшо хоол барихые сээрлэхэ гэһэн ёһон; масаг нэгэнһээ хэдэн хоног хүрэтэр баридаг. Масаг бариха үедѳѳ номоо уншажа, бисалгал үйлэдэдэг (пост, воздержание от мяса): Энэ гайхалтай бэшэ: долоон үдэр хооһоор масаг хэхэ болоод, хадааһан дээрэ хонон һууха мэтээр бэеэ тэсэмгэй болгодог буянай номнол Аламжа бэе дээрээ үзэһэн байгаа (Д. Батожабай); масаг санваар сахиха, масаг бариха масагай ёһо баримталха, мяха эдихые, үдэһѳѳ хойшо хоол барихые сээрлэхэ (соблюдать пост); 2. тэмд. н. масагта хабаатай (постный); масаг үдэр мяха эдихые, үдэһѳѳ хойшо хоол барихые сээрлэхэ үдэр (постный день).