МАРТАХА

үйлэ ү. 1) ой ухаанһаа гаргаха, дуулаһанаа һанахагүй (забывать): Теэд урдань үзэгдѳѳгүй шэнэ дэлхэйе хүбүүн харахадаа, сэдьхэлээ хүдэлгэн гайхажа, хүлнүүдэйнгээ хүндэ болоһонииешье мартана (Ц. Шагжин); сүм (гү, али гол таһа) мартаха ой ухаанһаа бүримүһэн, огто гаргаха (напрочь забывать): Тугаар һаяхан ербэдэһэн айһанаа сүм мартажа, иигэжэ тэргэдэ һуугаад ябахыемнай олон хүн хараһай даа, тэдэнэй дунда танихашье хүн байгаа һаа хамаагүй гэжэ тэдэ хоёр хоюуландаа һанана (Ч. Цыдендамбаев); Хажуудань, байза, юун бэлэй даа? Жаалдамар, гол таһа мартаалби (М. Осодоев); мартан мартаха оройдоо ой ухаанһаа гаргаха (совсем забыть); 2) хүрэхэеэ болихо, һанахаяа болихо, тойргошохо (отвыкать): Хүхэнһѳѳ гаража байһан хүүгэд эхэеэ нэгэ хэдэн үдэр хараагүй һаа, хүхэеэ мартадаг.