МАНТАН

тэмд. н. томо, туйлай томо, ехэ, андагар, данхагар, абарга (большой, огромный): Түмэршэ дарханай хэһэн мантан хара суурга баряад, Загда бусажа ерээд, тэрэнээ гурбан түлхюуртэйнь Намхайда үгэнэ (Ш.-С. Бадлуев); мантагар томо (гү, али ехэ) адар томо, андагар (большой, крупный): Дарга Доной үбгэн шэрээгэйнгээ саана лаб һуунхай, мантан томо гааһаяа хирэ болоод лэ һоросогооно (Б. Шойдоков); Үглѳѳгүүр һэрихэдэмнай тэнгэри бүрхэшэнхэй, мантан ехэ гэдэһэеэ мэнэ-мэнэ шуура татаад лэ, аадар бороогоо адхажа эхилхэеэ байба (С. Цырендоржиев); мантан томо этүүр хатаһан жэжэ үйрхэй аргалые этэрэн обоолходо хэрэглэгдэдэг угаа томо хүрзэдэ адли хабтагай (громадная лопатообразная доска для сгребания высохшего мелкого навоза); аргагүй мантан асари томо, айхабтар ехэ хэмжээтэй (огромный, исполинский): Һайхан тунгалаг далай аргагүй мантан толи мэтээр гэлиижэ, аяар саана байһан бартаа хадануудые һүртэйгѳѳр һүүдэртүүлнэ (Ж. Тумунов); мантан хүйхэр шоодб. андагар шиираг хүбүүн (грозный детина).